Kwadro Alas Book 1 Prologue - SuperToyantz

Prologue

Tahimik na pinagmamasdan ng isang bata ang paligid.. Naglalakihang gusali ang kanyang nakikita..

Madilim na, pero halos parang ngayon palang nagigising ang buong lungsod..
Lungkot na lungkot sya pagkat lilipat na sila ng bahay.. Mula sa bahay ng Lolo at Lola nya ay lilipat na sila sa bahay na nabili ng kanyang daddy.. Di nya alam kung saang lugar yon..

Basta ang sabi kanina ng mommy nya ay masaya daw dun..
Tinutulan nya iyon.. Di hamak na mas maganda ang dati nilang tahanan.. Sa piling ng kanyang mga Lolo at Lola, mga dating kaibigan at si Lelay.. Ang kanyang childhood crush...

Sa pagkaka alala sa kababata ay bigla syang binalot ng di maintindihang lungkot.. Di matanggap ni Lelay na lilipat na sila ng bahay.. Naghahanap ito ng rason pero wala syang maibigay... Nakaukit pa rin sa kanyang munting isip ang mga huling palitan nila ng mga salita ng kanyang kababata..

"L-lelay aalis na kame.." bulong ng batang si Aldrin..
Nakatalikod lang sa kanya ang kababata.. Di nya batid kung umiiyak ito o tumatawa..Kinalabit nya ito pero iwinaksi lang nito ang kamay nya..

"Lelay.. Wag ka namang ganyan..Babalik naman ako.. Dadalawin kita lagi..Malapit lang siguro yung pupuntahan namin.." pang aalo ni Aldrin sa kaibigan..
Marahas na bumaling ng tingin ang batang si Lelay... Nagulat si Aldrin at agad na nakaramdam ng awa sa itsura ng kaibigan..Basang basa ang mukha nito sa luha..

"Sinungaling !.. Iiwan mo na ako!.. Iiwan mo rin pala ako!.." sigaw ni Lelay..
Napayuko lang si Aldrin at nagsimula na ring humikbi..

"H-hindi ko gusto..Ayaw ko naman talaga don.. Pero sabi ni Mommy malayo na daw sa work ni Daddy..Ayaw kong iwan ka.." mahinang sabi ni Aldrin..
Napaupo si Lelay at lumakas ang hagulgol..
Agad syang niyakap ng batang si Aldrin.. Tinulak ni Lelay ang kaibigan.. Pero nagmatigas si Aldrin at pilit na niyayakap ang kaibigan..
"Babalikan kita Lelay.. Pangako.." bulong ni Aldrin sa tenga ng kaibigan..
Unti unting huminto ang pag iyak ni Lelay hanggang sa naging hikbi...Lumipas ang ilang minuto na magkayakap ang magkaibigan..
Binasag ni Aldrin ang katahimikan..
"Babalik ako.." matigas na pangako ng batang paslit sa kaibigan..
Tumitig si Lelay sa nag iisang kaibigan nya..
"Hihintayin kita.." nakangiti nitong sabi sa kaibigan..
Nagkangitian ang dalawa..Maya maya may kinapa si Lelay sa bulsa..
"Eto.. Wala kasi akong pera.. Ayaw ko naman manghingi kay Inay.. Eto isuot mo.. Sana maalala mo ako.. Ingatan mo ito hanggang sa magkita tayo muli Potpot.." sabi ni Lelay sabay abot sa hawak nya..
Agad kinuha ni Aldrin ang regalo ng kaibigan.. Pinagmasdan nya ito... Lalo lang namuo ang luha sa mga mata nya pero pinigilan nya dahil ayaw nyang umiyak na naman ang kaibigan nya..Agad na hinubad ni Aldrin ang suot na kwintas na regalo sa kanya ng Ina..
"Eto ..Gusto ko suot mo pa rin ito pag nagkita tayo.." masuyong sabi ni Aldrin sabay suot ng kwintas sa leeg ng kaibigan..
Nanlaki ang mga mata ni Lelay sa binigay ng kaibigan..
"Potpot ayaw ko.. Bigay to ng Mommy mo!.." tinangka nyang hubarin ang kwintas pero nagalit si Aldrin..
"Binigay sakin yan ni Mommy.. Sabi nya ibigay ko daw yan sa special sa akin..Sayo na yan Lelay.. Para alam kong mag kikita pa tayo.." nakangiting sabi ni Aldrin..
"Pero yung binigay ko.. Sinulid lang yan na may nakasabit na papel.. Nakasulat yung name ko.. Ay.. Sorry Pot ah?.. Wala kasi kaming pera eh.." nahihiyang sabi ni Lelay..
"Ayos lang.. Iingatan ko ito kaya sana ingatan mo rin yan ha.." masuyong sabi ni Aldrin sabay hawak sa pisngi ni Lelay..
Namula ang pisngi ng batang babae at tinapik ang kamay ng kaibigan..

"Anung ginagawa mo?.." nanlalaki ang mga mata na tanong ni Lelay..
Ngumiti lang ang kaibigan nya...

"Hahanapin kita.. Babalikan kita.. tapos.........Papak asalan kita.." matigas at determinadong sabi ng batang si Aldrin..
Namula ang mga pisngi ng batang si Lelay at humagikgik..

"Gagsti ka !.. Ang bata pa natin oy.. " sabi nito pero di naaalis ang ngiti sa labi..

"Basta.. Pangako.." sabi ni Aldrin at narinig na nilang bumusina ang kanyang Ama..
Muling nag titigan ang magkaibigan.. Di na natiis ni Aldrin ang damdamin at agad na niyakap ang kababata..

"Pangako.." bulong nya sa tenga nito..
Agad na iwinaksi ng batang si Aldrin ang kanyang naisip.. Di nya alam pero parang naramdaman nyang nag init ang magkabilang pisngi nya.. Di nya batid sa batang isip kung anu ang naramdaman nyang iyon..Sa pagkaalala man lang ng kababata ay binalot na naman sya ng lungkot..

Umayos na sya ng upo... Kinapa nya ang maliit na kwintas na bigay ni Lelay.. Gawa ito sa sinulid ay may papel na nakasabit...Napabun tung hininga nalang ang bata..Mukhang malayo layo pa ang lalakbayin nila.. Inayos nya ang sarili at humiga sa upuan.. Dahil sa haba ng byahe ay agad syang nakatulog..
Lumipas ang ilang oras ay marahang inalog ni Alona ang anak..

"Aldrin anak, gising na .. Andito na tayo.. Look o.." bulong ni Alona sa anak..
Umungol lang ito at umikot.. Agad na sinipsip ang kanang hinlalaki.. Napabungisngis si Alona sa inakto ng anak.. Agad nyang inalis ang daliri nito at muling inalog..

"Anak.. Gising na.. We're here na.." masuyong bulong nya..
Unti unting nagising ang bata.. Umungol ito at pilit na ibinabalik ang hinlalaki sa bibig.. Binangon na ni Alona ang anak at pinaupo.. Nanatili pa ring nakapikit ang bata.. Pero napansin ng ina na nag tutulug tulugan na lang ang anak at gising na ito... Napangiti sya kaya kiniliti nya ito sa beywang.. Agad namang napabalikwas ng upo ang bata at iniwas ang sarili sa pangingiliti ng ina..

"Waaa... Wag mommy!... Ahaha.. Gising na po ko !.." sigaw ni Aldrin..

"Akala ko tulog ka?.. Hmm.. Halika na anak at tingnan mo ang magiging room mo.." sabi ng ina at inalalayan ang anak sa pagbaba ng hagdan..
Nagbukas ang gate ng katabing bahay at may lumabas na mag asawa..Nakangiti itong lumapit sa mag ina..

"Hi.. Kayo pala yung nakabili nyan?.. By the way I'm Chynna and this is my husband Vincent.. Kami ang neighbor nyo.. Oh.. Is that your son?.." turo ni Chynna sa batang nakakapit sa binti ni Alona..
"Yeah.. Aldrin.. Meet our new neighbor..Say hi to Tito and Tita.." tulak ni Alona sa anak..
Kiming ngumiti lang ang bata at kumaway..

"Hi T-tito... Hello Tita..." mahiyaing sabi nung bata..

"Oh.. Shy huh?.. Where's your husband by the way?.." tanong ni Vincent.

"Oh.. I don't know.. Maybe inside the house na... Oh there he is.." turo ni Alona sa papalabas na kabiyak.
Agad na nagkamay ang dalawang lalake..
"Hi neighbors.." bati ni Nestor sa mag asawa..
"Hmm..how old is your kid anyway?.." tanong ni Chynna ..
"Oh.. He's six.. Dito ko na rin sya ipapaenroll ng grade 1." sabi ni Alona..
"Wow!.. Our son is as age as your son.. Wait..!.." sabi ni Vincent sabay pasok sa loob..
Saglit lang ay may humintong kotse sa tapat na bahay ng bagong lipat.. Agad na nagbukas yung gate pero may bumaba na babae at may kasunod na matabang batang lalake na nagmamaktol..
"Mommy!.. I want ice cream!.." ungot ng bata sabay hatak sa damit ng ina..
Natawa si Aldrin.. Napansin sya ng bata at tiningnan agad sya ng masama.. Tumiklop naman si Aldrin at nagtago sa likod ng ina..Lumapit na ang bagong dating sa mga bagong lipat..
"Hey.. Your the new neighbor.. Hello sis.. " bati ni Annette kay Chynna at nag beso..
"Hey sis.. this is our new neighbors.. Nestor and Alona and that is their son Aldrin.." pakilala ni Chynna sa bagong dating na si Annette..
Nagulat si Alona pagkat nakipagbeso sa kanya si Annette... Tumawa lang si Chynna..
"Welcome to the neighborhood sis.." bati ni Annette.. Nahiya naman si Alona at tumawa na lang..
Biglang nagbukas ulit ang gate nila Annette at lumabas ang isang lalaking naka amerikana..
"Hon.. wheres my files nung last friday?.. Hey hey hey.. Andito na pala yung nakabili ng house nila Doctor Ramirez.. The new neighbors.." masiglang bati ni Denzel na asawa ni Annette..
Nagkamay sila Nestor at Denzel..Biglang lumabas si Vincent na may hatak na bata..
"Hey.. Aldrin.. This is my son Rhoi.. Pwede kayo maging friends.. Baka nga mag classmates pa kayo since dito na rin pala ikaw mag aaral .. " pakilala ni Vincent sa anak..
Nag apir naman si Rhoi at Darius..
"Hey.. Why don't we continue this talking inside our house?.. Parang getting to know each other na rin since we will be neighbors na naman.. Come on.. " anyaya ni Annette na sinang ayunan naman ni Chynna.. Inakbayan nila ang parehong braso ni Alona at tumatawang hinila na lang papunta sa bahay nila..
Napakamot sa ulo si Nestor at tinignan ang misis nya mukhang nakakita ng bagong mga kaibigan..
"Oh ano pare?.. tigasin ka ba?.. " tanong ni Vincent kay Nestor..
"Bakit naman pare?.." gulat na tanong ni Nestor..
Natawa lang si Denzel at inakbayan si Nestor..
"Pare.. Walang tigasin dito sa amin eh.. Pag sinabi na ni misis.. Kailangang masunod ora mismo kundi outside de kulambo kami.. Tigasin ka ba?.." tanong ni Denzel sabay tawa..
Napangisi na lang si Nestor sabay iling..Nagtawanan ang mga bagong magkakaibigan at sumunod na sa mga asawa nila..
"Ay teka pre..sila Primo..." sabi ni Denzel.
"Ay oo.. Teka pre.. May isa pa kaming tropa.. yung katabing bahay nila Denzel.. Teka at mag door bell ako.." sabi ni Vincent at nagpauna na sa tabing bahay nila Denzel..Sumunod sila at naiwan ang mga anak nila..
Nagbukas ang gate at sumilip ang maid..
"Ay si koya bensent.. teka po.." agad na sabi ng maid na nagbukas..
Napakamot na lang ng ulo si Vincent pagkat di pa nya nasasabi ang pakay nya... Maya maya lumabas ang isang lalaki at may hawak pang remote.
"Oy.. Pre.. Napasyal ka?...Panalo Miami pare ah?.." sabi ni Primo sabay ngisi..
"Tangna pre oo nga eh.. Hayup na Boston yan..Anyway pre.. andyan na yung bagong lipat.. Dinner daw tayo sa bahay nila Denz.." sabi ni Vincent..
"Ha?..Ayos yan.. Teka.. Sweetypie.. Come to daddy.." sigaw ni Primo.. Nagtawanan yung magkaibigan..
Lumabas ang isang magandang babae na may suot pang apron..
"Uy.. Vince musta?.. si Chynna?..?" tanong ni Alexa..
"Ayun andun kila Annette.. Andyan na daw yung bagong lipat sweetypie.." si Primo na yung sumagot sabay hawak sa bewang ng asawa..
"Ay.!.. Hala anu ka ba?.. Di ka na nahiya!.. Andyan si Pareng Vincent o!.." sigaw ni Alexa pero nakangiti naman..
"Aysus.. Oh ano?.. Tapos na ba yung binabake mo?.. Kuha ka tapos dalhin natin dun sa kabila.. Dinner daw.......Manaaaang gg.. Paki patay nga po yung TV.." sigaw ni Primo sabay hagis papasok ng remote..
"Kita mo tong taong to.. Pagtapos gumamit basta na lang ibinabato.." saway ni Alexa..
"Sakto naman o..bilisan mo na kasi!..".. sabi ni Primo sabay palo sa pwet ng asawa..
Nagtawanan ang magkumpare.. Agad namang pumasok si Alexa at maya maya may dala ng isang tray..Inabot nya ito sa asawa at nag pauna ng lumakad...
"Aba !.. Hoy babae!.. ".. sigaw ni Primo sa asawa..
Lumingon si Alexa at nakataas ang isang kilay na tumingin sa asawa..
"Baket?." mataray nitong tanong..
"I love you .." sabi ni Primo sabay beautiful eyes..Natawa lang si Alexa at nagpunta na sa kabilang bahay..
"Langya pare.. Akala ko tigasin ka?.." pang aalaska ni Vincent sa kaibigan..
"Ulol.. Kung magsalita ka parang kaya mo suwayin asawa mo!..Balita ko ikaw na naman ang nagsaing sa inyo pare?.." ganting pang aasar ni Primo sa kaibigan...
"Aba naman pare.. Anu sya namimihasa na?... Galing akong trabaho tapos ako ang magsasaing?.. Anu sya sinuswerte?..Para saan pa ang pagiging tigasin natin nung mga binata pa tayo.." matigas na sabi ni Vincent sabay liyad ng dibdib..
"Chynnaaaaaaa..... May sinasabi si Vincent o..!!"" sigaw ni Primo..
Agad na tumiklop si Vincent at umamo..
"g*g* ka pre.. Totoo naman na di ako ang nagsaing kanina eh.. Sya kaya.. Sabi ko kasi ako na maghuhugas ng plato.." bulong ni Vincent ..
Nagtawanan lang ang magkabigan..
"Teka..teka.." sabi ni Primo sabay balik sa bahay nila..
Maya maya lumabas na ito ulit at inaya na ang kaibigan na pumunta sa kabilang bahay para sa dinner nila ng mga kumpare at kumare..
Sa kabilang kalye naman ay nagtitinginan lang ang tatlong bata..
"Hoy !.. Anung pangalan mo?.." sita ni Darius sa tahimik na si Aldrin..
"A-aldrin.." mahinang sabi nya..
"Langya.. Mahinhin pare.." alaska ni Rhoi..
"Oo nga e..Baka natatakot sayo pare?.." sabi ng batang si Darius..
Binatukan sya ni Rhoi at nilapitan si Aldrin..
"Hoy.. Mula ngayon kami na kaibigan mo.. Wala ng ayawan..Kita mo mga magulang natin?.. Parang matagal ng magkakakilala oh.. Wag ka matakot dyan sa baboy na yan.." sabi ni Rhoi sabay turo kay Darius..
Maya maya may narinig silang nagbukas na gate.. Sabay sabay silang napatingin sa lumabas na bata na abala sa paglalaro ng PSP..
"S-sino naman yan?.." tanong ni Aldrin..
"Yan?... The legendary ROMEO.. yun ang sabi nya.. " patawa ni Darius sabay dampot ng maliit na bato at binato ang batang si Romeo..
Nailagan nito ang bato ng di tumitigil sa paglalaro ng PSP.. Namangha ang tatlo.. Si Rhoi napapalakpak samantalang sumisigaw si Darius..
"Kamangha mazing...!.." sabi ni Darius..
Unti unti ng nakalapit sa kanila ang batang abala sa paglalaro..Ng eksaktong malapit na ito ay bigla itong napatid at tumilapon ang hawak na PSP sa kalsada...
Bumirit ng tawa ang tatlong bata at inasar si Romeo..
Agad na tumayo si Romeo at dinampot ang PSP nya sabay ngisi sa mga kaibigan..
"That was all act my friends.. Patawa lang yon..Mga gunggong.." sabi ni Romeo pero nakangiwi sya..
Biglang pinitik ni Rhoi ang tuhod ni Romeo na may gasgas at napatalon ang bata sa gulat..
"Aray!.." sigaw nito..
Lalo lang natawa yung tatlo dahil nabuking sya..
"Tangna.. Okay na eh.. Ang epal mo rin eh no..Oh wait ah minute.. Who is this kid looking amazed at me?.." sabi ni Romeo sabay lapit kay Aldrin..
Napaatras naman si Aldrin pero hinawakan sya nila Darius at Rhoi sa magkabilang kamay..
"Bagong recruit pare.." sabi ni Darius..
Kinilatis ni Romeo ang bagong kaibigan.. Si Aldrin ay tahimik lang at bahagyang nanginginig pero biglang natawa dahil sabay sabay syang inamoy ng tatlo..
"Ang bango mo ah..Jokla ka?.." tanong ni Rhoi..
"Hinde ah !." matigas na sabi ni Aldrin sabay bawi sa braso nya..
Namangha ang tatlo dahil sa tapang na ipinakita ni Aldrin..
"Huwawww...Aztig to pre... Hantapang men..Bata pa lang may tricep na.." nakangising sabi ni Romeo..
Nagtawanan lang ang tatlo pero si Aldrin ay seryoso..
"Bakit nyo ako pinagkakaisahan?..siguro kayo ang bading.." sigaw ng batang si Aldrin at nagulat sya ng biglang naging mabangis ang itsura ng tatlo..
"Sinong bading?.." madiing sabi ni Darius..
Napayuko lang si Aldrin ..
"Ako..sis nabuking tayo.." landi ni Romeo..
Bumigay na rin si Rhoi at nagkurutan ang dalawa..
"Ang galing nya.. From the start pa lang akala ko naitago na natin.. I like him na ..." sabi ni Rhoi sabay kindat kay Aldrin..
Sumabay na rin si Darius at di na mapigilan ni Aldrin ang tumawa.. Tawa sila ng tawang apat hanggang sa mapaupo na sa tapat ng lawn nila Rhoi..

"Tangna.. Sakit ng tyan ko.. g*g* ka Romeo.." sabi ni Aldrin..
Nakangiti lang ang tatlong bata sa bago nilang kaibigan..

"Welcome to the brotherhood pare.." sabi ni Darius sabay abot ng kamay kay Aldrin..Inabot ito ng bata at nagngitian sila..

"Dito tayo ang siga.. Walang pwedeng kumanti kahit sino sa atin.. Ang away ng isa ay away ng lahat.. " sabi ni Romeo..

"Tama.. Pero ang chix ng isa ay chix lang nya.. Walang talo talo .. Mag kakapatid na tayo kasi ganun din ang mga parents natin eh.." sabi naman ni Rhoi..
Nagkatitigan lang silang apat..

"Tayo ang siga dito?.." ulit ni Aldrin at nag thumbs up ang tatlo pa..
Maya maya narinig nilang bumukas ang gate ng bahay nila Darius at sumilip ang mga tatay nila..

"Hoy tawag kayo ng nanay nyo!.." sabay sabay na sabi ng mga ito..
Nagtawanan ang mga bata at sabay sabay ng tumayo.. Mag kakaakbay silang pumasok sa loob ng bahay.. May ngiti sa bawat labi dahil sa bagong pagkakaibigan..

"Sa wakas!.. Naging apat na rin ang alas !..WOOOOOOOOOOOOOOOO OOOO.." sigaw ni Rhoi at nagtawanan na lang silang apat..